Vdes gazetarja e Zërit të Amerikës, Rudina Dervishi

Rudina Dervishi, gazetarja dhe drejtuesja e njohur prej shumë vitesh e emisionit televiziv “Ditari” të Zërit të Amerikës, u nda nga jeta të martën, më 12 shtator, në moshën 53-vjeçare, pas një beteje dy vjeçare me kancerin e gjirit.

Kolegët e saj nga “Zëri i Amerikës” i kanë shprehur ngushëllime familjes së saj.

Ikja e saj e parakohshme, është një humbje e madhe për familjen dhe për kolegët e saj të Shërbimit Shqip të Zërit të Amerikës.

Për më shumë se 25 vjet, Rudina dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti.

Ne, kolegët e saj të Zërit të Amerikës, do ta mbajmë mend Rudinën për mprehtësinë, dinamikën, humorin dhe përkushtimin e saj.

https://www.zeriamerikes.com/a/7271117.html?utm_medium=affiliate&utm_campaign=VOA-player7271117&utm_source=insajderi.org/&utm_content=player

Leave a Reply

Your email address will not be published. Required fields are marked *